സമീപകാലത്ത് നമ്മുടെ നാട് നേരിട്ട അനേകം വെല്ലുവിളികൾ സാമൂഹിക സന്നദ്ധപ്രവർത്തനങ്ങളെ പരിപോഷിപ്പിക്കുവാൻ അഭൂതപൂർവ്വമായ അവസരം നൽകി. രാഷ്ട്രീയമതഭേദങ്ങളെ മാനവികത കൊണ്ട് മറികടക്കാൻ കഴിയുമെന്ന് മതനിരപേക്ഷതയ്ക്കു പേരുകേട്ട കേരളം തെളിയിച്ചു. ...

ഈ അനുഭവങ്ങളുടെ വെളിച്ചത്തിലാണ് സന്നദ്ധപ്രവർത്തനങ്ങളിലൂടെ കരുത്തുള്ള സമൂഹത്തെ സൃഷ്ടിക്കാനും കൂട്ടായ്മകളുടെ നൈരന്തര്യത്തിലൂടെ നാടിനെ ശക്തിപ്പെടുത്തുവാനും സേവനതല്പരരായ അംഗങ്ങളെ ചേർത്തുകൊണ്ട് സംസ്ഥാനതലത്തിൽ ഒരു സാമൂഹിക സന്നദ്ധസേന ആരംഭിക്കുവാൻ സർക്കാർ തീരുമാനിക്കുന്നത്. ഈ തരത്തിലുള്ള ഒരു സന്നദ്ധസേന ഇന്ത്യയിൽത്തന്നെ ഇതാദ്യമാണ്. ഇന്ന് നമ്മുടെ സന്നദ്ധസേനയിൽ മൂന്നരലക്ഷം പേർ അംഗങ്ങളായുണ്ട്. സംസ്ഥാന ഭരണസംവിധാനത്തിന്റെ ഭാഗമായി നിന്നുകൊണ്ട് നിർദ്ധനരായവർക്ക് സഹായമെത്തിക്കുവാനായും സാമൂഹ്യമാറ്റത്തിന്റെ ഭാഗമാകുവാനുമുള്ള അവസരമാണ് അംഗങ്ങളെ കാത്തിരിക്കുന്നത്. മാനവികത, നേതൃപാടവം, സാമൂഹ്യബന്ധങ്ങൾ എന്നിവ വികസിപ്പിക്കുന്നതിൽ സന്നദ്ധപ്രവർത്തനത്തിന് വലിയ പങ്കാണുള്ളത്. സാമൂഹ്യസേവനത്തിലൂടെ മെച്ചപ്പെട്ട പൊതുവിടങ്ങൾ സൃഷ്ടിക്കുവാൻ നിങ്ങളോരോരുത്തരും സന്നദ്ധസേനയുടെ ഭാഗമാകണമെന്ന് ഞാൻ അഭ്യർത്ഥിക്കുകയാണ്.

Read More

- ശ്രീ.പിണറായി വിജയൻ

കേരള മുഖ്യമന്ത്രി